ئه‌مڕۆ دوشه‌ممه‌ 17/1/2011 ژماره‌یه‌ك له‌ قوتابیانی ئاماده‌ییه‌كانی شاری سلێمانی بۆ چواره‌م رۆژ دژی بڕیارێكی وه‌زاره‌تی په‌روه‌رده‌ له‌به‌رده‌م به‌ڕێوه‌به‌رایه‌تی په‌روه‌رده‌ی سلێمانی خۆپیشاندانێكیان سازكرد‌و دوباره‌ په‌روه‌رده‌یان به‌ردباران كرد.

زریان محه‌مه‌د، سلێمانی: سه‌رله‌به‌یانی ئه‌مرۆ دوشه‌ممه‌، بۆچواره‌م ڕۆژ  ژماره‌یه‌ك له‌ قوتابییان قوناغه‌كانی 8‌و 9‌و10ی ئاماده‌یی  شاری سلێمانی دژ به‌ بڕیارێكی ساڵی رابردوی وه‌زاره‌تی په‌روه‌رده‌ كه‌ له‌‌ كه‌ له‌مه‌نهه‌جی‌ نوێ‌ خوێندن بۆ قوتابیان دانراوه‌ له‌

پۆله‌كانی‌ 10 و 11 كه‌ 25 نمره‌ی‌ له‌سه‌ره‌ و پۆلی‌ شه‌شه‌م 75 نمره‌ ، له‌به‌رده‌م به‌ڕێوه‌به‌رایه‌تی په‌روه‌رده‌ی سلێمانی كۆبوونه‌وته‌وه‌ به‌ هه‌ڵدانی دروشم داوای هه‌ڵوه‌شاندنه‌وه‌ی ئه‌و بڕیاره‌ده‌كه‌ن تا‌ وه‌ك سالاَنی‌ ڕابردو نمره‌یان بۆ دابنرێت بۆ وه‌رگرتنیان له‌ په‌یمانگا و زانكۆكاندا.

جێگه‌ی‌ ئاماژه‌یه‌ ئه‌مڕۆش بۆجاری‌ دوه‌م  خۆپیشاندانه‌كه‌‌ توندوتیژی به‌خۆیه‌وه‌ بینی‌‌و قوتابیان به‌ به‌ردهاویشتن شوشه‌‌و په‌نجه‌ره‌كانی تری‌ په‌روه‌رده‌یان شكاند.

هاوكات هێزه‌كانی پۆلیسی چالاكییه‌ مه‌ده‌نییه‌كان له‌ شوێنه‌كه‌ ئاماده‌ن‌و چوارده‌وری به‌رێوبه‌رایه‌تی په‌روه‌رده‌یان گرتوه‌‌و تا ئێستاش به‌رده‌وامه

‌.